Пн. Июл 6th, 2020

Kar24.uz

Янгиликлар биздан бошланади

Рәсмий: Қызық… не ушын оған ҳәкимлик жуўап бериўи керек екен яки «басы-қасында жоқ» ҳәкимият

2020-жыл 4-июнь күни КRuz.uz телеграм мессенжери арқалы “Хожелиде қурылған үй-жайлардың жойбарлаў ислерин ислеген «Қишлоққурилишлойиҳа»ға не ушын елеге шекем тɵленетуғын тɵлемлер тɵленбей атыр?» атлы мақала жәрияланған еди.
Бунда келтирилген жағдайлар район ҳәкимлигиниң Мәлимлеме хызмети тәрепинен үйренилгенинде тɵмендегилер мәлим болды:
Анықланыўынша, 2017-жыл январь айында халқымыздың турмыс дәрежесин жақсылаў мақсетинде Хожели районы, «Мустақыллық» көшеси Бас көше деп белгиленип, оның бойында биринши қабатында саўда дүканлары менен қоса 3 қабаттан ибарат жәми 20 дана заманагөй турақ жай қурыў режелестирилди.
Усы қурылыстың жойбарлаў жумысларын алып барыў Ҳүкиметимиз баянламасына муўапық «Қишлоққурилишлойиҳа» Қарақалпақстан Республикасы филиалына тапсырылған.
2017-жыл 12-май күни «Қишлоққурилишлойиҳа» Қарақалпақстан Республикасы филиалы тәрепинен тɵмендеги жеке меншик қурылыс кәрханалары менен еки тәреплеме шәртнамаларға
Атап айтқанда,
1.“Жанубий тоғ кон саноати” ЖШЖ менен 55.589.304 сумға;
2.“Антакия буилдинг” ЖШЖ менен 30.253.102 сумға; “Қарақалпақ махсус инвест” ЖШЖ менен 5.253.102 сумға;

“Куўандық бек” ЖШЖ менен 30.253.102 сумға;

“Жавоҳир қурувчи трести” ЖШЖ менен 30.589.304 сумға;

“Факел Нукус” ЖШЖ менен 20.253.102 сумға;

“Меъмор Хожели” ЖШЖ менен 27.794.652 сумға;

“СМП 748” ЖШЖ менен 2.458.450 сумға;

“Регионал Индустриал инвест” ЖШЖ менен 45.454.824 сумға;

“Арнаўлы қурылыс-5” ЖШЖ менен 55.589.304 сумға;

“Зарип Констракшн” ЖШЖ менен 30.253.102 сумға. Улыўма олар менен дүзилген еки тәреплеме шәртнамаларға бүгинги күнде төлениўи лазым болған қарыздарлық жәми 333.741.348 сумды қурайды.
Аҳмийет берсеңиз, усы дүзилген шәртнамалар еки тәреплеме дүзилген болып, онда ушинши тәреп сыпатында Хожели районы ҳәкимлиги көрсетилмеген, яғный усы төлениўи тийис болған пулларды өндирип бериў миннетлемесин ҳәкимлик өз жуўапкершилигине алмаған.
Демек, еки хожалық жүритиўши субъектлер ɵз алдына индивидуал тәртипте шәртнама дүзген болса, бул жерде «Қишлоққурилишлойиҳа» Қарақалпақстан Республикасы филиалы тәрепинен тийисли тәртипте Экономикалық судларға даўа арза киритиўи зәрүр еди.
Тилекке қарсы, усы күнге дейин олар тәрепинен жәми 333.741.348 сумлық қарызды өндириў илажларын көрместен, айрым лаўазымлы шахслар өзлериниң орынлаўы лазым болған ўазыйпаларды өз ўақтында атқармай, яғный сол пулларды суд арқалы өниўин тәмийинлемей, жеке ўәкилликлерине суўыққанлық мүнәсибет билдирген. ҚЫЗЫҚ… НЕ УШЫН ОҒАН ҲӘКИМЛИК ЖУЎАП БЕРИЎИ КЕРЕК ЕКЕН?
Нәзеримде, бул қарыздарлықты 3 жыл даўамында өндириў иләжларын көрмей, жасырып отырған «Қишлоққурилишлойиҳа» Қарақалпақстан Республикасы филиалы жуўапкер шахсларының ҳәрекетлерине ҳуқық қорғаў уйымлары арқалы ҳуқықый баҳа берилиўи мақсетке муўапық деп ойлаймыз!
Себеби, Ɵзбекстан Республикасы Пуқаралық кодексиниң
150-статьясы талабына тийкар, нызам бойынша даўа бериў мүддети
3 жыл болып, олар тәрепинен қарызды өндириўдиң бирден бир иләжы болған судқа бериўдиң ең соңғы имканиятыда 2020-жыл
12-май күни қолдан кеткен…! Сонлықтан, буған жол қойған шахслар нызам алдында жуўап бериўи керек, БАСҚА ЖОЛЫ ЖОҚ.
Буннан тысқары, 2020-жыл 21-май күни «Қишлоққурилишлойиҳа» Қарақалпақстан Республикасы филиалы тәрепинен Хожели районы ҳәкимлигине хат пенен мүрәжат етип, усы 11 жеке меншик қурылыс кәрханасынан жүзеге келген қарыздарлықты өндириўде әмелий жәрдем соралған.
Бул хат тийисли тәртипте дизимнен өтип, район ҳәкими тәрепинен усы күнниң өзинде-ақ ҳәкимниң қурылыс, коммуникация ҳәм абаданластырыў мәселелери бойынша орынбасары Ж.Ешимбетовқа орынлаў ушын жүклетилген. Ол тәрепинен «Қишлоққурилишлойиҳа» Қарақалпақстан Республикасы филиалы менен шәртнама дүзген ҳәр бир қурылыс кәрханасы менен жеке тәртипте сәўбетлесиў өткизилип, усы қарызды бир ҳәпте ишинде төлеп бериў илажын көриў илтимас етилген. Ҳәзирги күнде олар тәрепинен усы қарызды өз ерки менен төлеў иләжлары көрилип атырғанын мәлим еткен. 2020-жыл 3-июнь күни бул бойынша мүрәжат ийесине нызамлы тәртипте өз ўақтында жуўап берилген.
Яғный, район ҳәкимлиги тәрепинен Өзбекстан Республикасы “Физикалық ҳәм юридикалық шахслардың мүрәжатлары ҳаққында”ғы нызамда нәзерде тутылған 15 күнлик көриў шығыў мүддети бузылмаған.
Солай екен, Сизиң КRuz.uz телеграм мессенжеринде басылған сын көз қарастағы мақалаға анықлық киритиўиңизди ҳәмде биз тәрепинен усынылған усы рәсмий мүнәсибетимизди каналыңызға шығарыўыңызды сораймыз.

Хожели районы ҳәкимлигиниң
Мәлимлеме хызмети