Пн. Июл 6th, 2020

Kar24.uz

Янгиликлар биздан бошланади

«Миллий тикланиш»де бир қатар таңлаў ҳәм жойбарлардың жуўмағы өткерилди

Өзбекстан «Миллий тикланиш» демократиялық партиясы Нөкис қалалық кеңеси 2020-жыл 20-апрелден 5-майға шекем «Кеўилли карантин» жойбары тийкарында ҳаял-қызлар ҳәм жаслардың бос ўақытларын мазмунлы өткериў мақсетинде “Видео ролик”, “Мен салған сүўрет”, “Фото көринис”, “Пәзендешилик”, “Тигиў-пишиў” бағдарлары бойынша онлайн таңлаў жәриялаған еди.

Сондай-ақ, 30-июнь «Жаслар күни» мүнәсибети менен карантин дәўиринде жаслардың бос ўақытларын мазмунлы өткериў мақсетинде 19-июнь сәнесинен 29-июнь сәнесине шекем «Жаслар менен биргемиз» жойбары тийкарында “Өнерментшилик”, “Мен салған сүўрет”, “Бийатлон”, “Мен сүйген қосық” бағдарлары бойынша онлайн таңлаў жәрияланды.

2020 жыл 29-июнь күни карантин қағыйдаларына әмел етилген ҳалда ӨзМТДП ҚР Кеңесинде таңлаў жуўмағы бойынша жеңимпазлар ҳәм белсенди қатнасқан жасларды хошаметлеў иләжы болып өтти.

Иләжға ӨзМТДП ҚР Кеңеси баслығы, ҚР Жоқарғы Кеңес депутаты Т.Романов, ӨзМТДП ҚР АК аппарат баслығы Л.Абдимуратов, партияның Нөкис қалалық Кеңеси баслығы А.Нурумбетова, партия хызметкерлери ҳәм партия белсендилери қатнасты. Иләжда таңлаў қатнасыўшыларына диплом, ҳүрмет жарлығы ҳәм естелик саўғалары тапсырылды.