Пн. Июл 6th, 2020

Kar24.uz

Янгиликлар биздан бошланади

Қоңыратта коронавирус инфекциясының алдын алыўға байланыслы хызмет көрсетиў орынлары, 2-июль сәнесинен баслап ўақтынша жаўылады

Карантин қағыйдаларына қатаң әмел етип, өзимизди ҳәм жақынларымызды кеселликтен асырайық!

Қарақалпақстан Республикасы Коронавирус инфекциясының тарқалыўына қарсы гүресиў илажларын муўапықластырыў бойынша оператив Штабының арнаўлы баянламасына тийкар Қоңырат районы «қызыл» категориялы аймақлар қатарына киритилгенлиги бәршемизге белгили.

Районымыздағы жуўапкер хызметкерлер тәрепинен инфекцияның тарқалыўының алдын алыў бойынша зәрүр илажлар әмелге асырылмақта.

Сол себепли районымызда Коронавирус инфекциясы тарқалыўының алдын алыўға байланыслы хызмет көрсетиў орынлары усы жылдың 2-июль сәнесинен баслап ўақтынша жаўылады.

Дийхан базары ҳәптеде 5 күн саат 08:00ден 11:00 аралығында хызмет көрсетеди. Екшемби ҳәм дүйшемби күнлери дезинфекция жумыслары алып барылыўына байланыслы толық жаўылады.

Жеке меншик автотранспортлар ҳәрекети азанғы саат 07:00 ден 10:00 аралығында ҳәм кешки саат 17:00 ден 20:00 аралығында әмелге асырылады.

Ҳуқық қорғаў уйымлары ҳәм санитар эпидемиологиялық тынышлық орайы хызметкерлери тәрепинен карантин қағыйдаларына әмел етиў бойынша 24 саат даўамында жәмийетлик орынларда, соның менен бирге мәкеме шөлкемлерде турақлы түрде рейдлер шөлкемлестириледи ҳәм карантин қағыйдаларын бузған пуқараларға ҳәм мәкеме шөлкем басшыларына нызам шеңберинде қатаң шаралар көриледи.

Ҳүрметли район турғынлары!

Карантин қағыйдаларына қатаң әмел етип, өзимизди ҳәм жақынларымызды кеселликтен асырайық.

Қоңырат районы ҳәкимлиги