Янгиликлар

Қарақалпақстанлы “Өзбекстан Қаҳарманы” дүньядан өтти

Өзбекстан Республикасы Илимлер Академиясы Қарақалпақстан бөлими Қарақалпақ гуманитар илимий-изертлеў институты археология бөлиминиң баслығы, Өзбекстан Қаҳарманы, тарийх илимлериниң кандидаты, профессор Ғайратдин Хожаниязов дүньяны тәрк етти. Марҳум археолог 1948-жылы Қараөзек районында туўылған 1972-жылы Қарақалпақ мәмлекетлик педагогикалық институты (ҳәзирги Әжинияз атындағы Нөкис мәмлекетлик педагогикалық институты)ның тарийх факультетин питкерген. Ғ.Хожаниязов 1980-жыллардан баслап Арқа қарақалпақ, Қубла қарақалпақ, Қызыл қала, Жампық қала, Миздақхан археологиялық экспедицияларын шөлкемлестирди ҳәм оларға басшылық етти. ЮНЕСКОның 1989-1991-жыллардағы «Уллы Жипек жолы – диалог жолы» халықаралық экспедициясында Хийўа, Хожели, Шымбай қалаларының жасын анықлаў бойынша илимий-изертлеў жумысларына белсене қатнасты.
2015-2019-жыллары Өзбекстан Республикасы Олий Мажлиси Сенаты ағзасы болды. 2003-жылы «Меҳнат шуҳрати» ордени, 2008-жыл «Өзбекстан Қаҳарманы» мәмлекетлик атағы менен сыйлықланды.
Археолог Ғайратдин Хожаниязовтың қайтыс болыўына байланыслы оның шаңара6в, туўған-туўысқанлары, шәкиртлери, кәсиплеслери ҳәм халқымызға Kar24.uz сайты атынан терең қайғырыў менен кеўил айтамыз. 

Каналға ағза болыў: 👉 @Kar24uz

You may also like

Comments are closed.