Пн. Дек 9th, 2019

Kar24.uz

Янгиликлар биздан бошланади

Инсан мәплери сәўлеленген мүрәжат

Көпшиликтиң мәлимлеме алыў негизине айланып үлгерген kar24.uz сайтында районымыз ҳәкиминиң халқымызға мүрәжаты жәрияланды. Ҳақыйқатында да, бүгин пахта терип ел қырманына өз үлесимди қосаман деген ҳәр бир пуқараға фермер-дийқанларымыздың қушағы ашық, шәраятлары жетерли, мийнетке ҳақы төлеў мәселеси кепилленген.

Мүрәжатта атап өтилгениндей, биринши теримде 1кг. пахта ушын 800 сум, екинши теримде 1кг пахта ушын 1000 сум етип белгилениўи көпшиликти қызықтыратуғыны тәбийий.
Район ҳәкиминиң Конституциямыздың 37-статьясы ҳәм “Мийнет кодекси”ниң 8-статьяларында белгиленген қатаң талапларды өзимизге сүрен қылып алғанбыз деген сөзлери, ҳәр бир саналы инсанды, өз ҳуқықларынан пайдаланып еркин мийнет етиўге ийтермелейди.
Сондай-ақ, теримшилер ушын мағлыўмат алыў имкәниятын бериўши “Мәлимлеме орайы” шөлкемлестирилгени ҳаққындағы мағлыўмат ҳәм олардың телефон номерлериниң анық келтирилиўи кең жәмийетшиликтиң мәлимлеме алыў имкәниятының жоқары екенлигинен дәрек береди.
“Инсан мәплерин ең жоқары қәдрият” деп билген Өзбекстан “Адолат” социал-демократиялық партиясы районлық Кеңесиниң көп санлы ағзалары атынан бул мүрәжатты толық қоллап-қуўатлаймыз.

Базарбай Утамбетов,
Өзбекстан “Адолат” социал-демократиялық партиясы Хожели районлық Кеңеси баслығы

Добавить комментарий

Ваш e-mail не будет опубликован. Обязательные поля помечены *