Мақолалар

Ташкентли ерли-зайыплы Әмиўдәрьялы үш пуқараны өлтирмекши болды

Усы жылдың 27-январь күни түнги саат 01:30да Ташкент ўәлаятында жасаўшы ерли-зайыплы Б.А ҳәм Ш.Ж. өз-ара жынайый тил бириктирип, Әмиўдәрья районы “Таржап” МПЖ аймағында жасаўшы Ш.Ж.ның ағайини, ерли-зайыплы Н.А. ҳәм М.Ы. ҳәм де олардың жас өспирим перзенти Д.Ҳ.ны өлтириўге қаст етти. Оларға хожалық пышағы менен аўыр дене жарақатын жеткерип, ўақыя орнынан жасырынған. Усы ўақыя себепли түрли дәрежедеги дене жарақатын алған жәбирлениўшилер емлеўханаға алып барылды. Әмиўдәрья районы прокуратурасы тәрепинен Өзбекстан Республикасы Жынаят кодексиниң 25, 97-статьясы 2-бөлими “а” бәнти менен жынаят иси қозғатылды.
Тергеў-оператив топары әмелге асырған кең көлемли илажлар нәтийжесинде жынаят ислеген ерли-зайыплы Б.А. ҳәм Ш.Ж. сол күни саат 16:30 ларда Қарақалпақстан Республикасы аймағынан шығып баратырған ўақтында усланды. Жынаят ислери бойынша Әмиўдәрья районы судының 28.01.2021-жылғы уйғарыўына тийкар, ерли-зайыплы Б.А.ҳәм Ш.Ж.ға “қамақ” бас шарасы қолланылған.
Ҳәзирги ўақытта дәслепки тергеў ҳәрекетлери алып барылмақта, деп мәлим етпекте прокуратура.

You may also like

Comments are closed.