Вс. Окт 20th, 2019

Kar24.uz

Янгиликлар биздан бошланади

Сайлаў алды бәсеки яки партиялар электоратлары менен ушыраспақта

Бәршемизге мәлим, быйыл Республикамызда үлкен сиясий мапаз, яғный Олий Мәжлис, Қарақалпақстан Республикасы Жоқарғы Кеңеси ҳәм бәрше қала-районлық кеңеслерге сайлаўлар болып өтеди. Усы мүнәсибет пенен Республикамыздағы барлық сиясий партиялар түрли орынларында өзлерииң сайлаў алды илажларын өткерип келмекте.


Усындай илажлардың бири 11-октябрь күни Исбилерменлер ҳәрекети – Өзбекстан Либерал Демократиялық Партиясы тәрепинен Қарақалпақ мәмлекетлик университетинде «Жарқын келешекти O’zLiDeP пенен бирге қурамыз!» атамасында сайлаў алды илажы өткерилди. Онда партияның Кеңес басшы ҳәм аппарат хызметкерлери, электорат ўәкиллери, «Жаслар қанаты»ның белсенди ағзалары, мәденият хызметкерлери ҳәм жаслар қатнасты.
Илажда партияның Кеңес баслығы С.Турманов, университеттиң жаслар менен ислесиў бойынша проректоры А.Дүйсенбаев ҳәм бир қатар мийманлар шығып сөйлеп, усы жылдың 22-декабрь күни болып өтетуғын сайлаўларда бәрше бирдей пуқаралық позициямызды көрсетип, сайлаўларда белсене қатнасыўға шақырды.
Илаж даўамында бир қанша сораў-жуўап ҳәм викториналар шөлкемлестирилип, онда студент жаслар белсене қатнасты ҳәм сиясий партиялар, сайлаўлар ҳәм сайлаў кодекси ҳаққында бир қанша мағлыўматларға ийе болды. Илаж Қарақалпақстан Республикасы мәденият хызметкерлери тәрепинен таярланған концерт дәстүри менен жуўмақланды.
Гөззал Жалгасова
ҚМУ, Санаат-технологиясы факультети студенти