Вт. Окт 15th, 2019

Kar24.uz

Янгиликлар биздан бошланади

Xojeli rayonında «Jas kelin-kúyewler innovaciyalıq mektebi» ashıldı.

Usı jıldıń 10-sentyabr kúni Xojeli rayonında Ózbekstan Respublikası Ministrler Kabineti janındaǵı «Oila» ilimiy-ámeliy izertlew orayı Xojeli rayonı bólimi, Xojeli rayonlıq Hayal-qızlar komiteti, Ózbekstan jaslar awqamı Xojeli rayonlıq Keńesi tárepinen rayondaǵı jas shańaraqlar ushın “Jas kelin-kúyewler innovacialıq mektebi” dúzildi.
Innovacialıq mekteptiń ashılıw máresiminde «Oila» ilimiy-ámeliy izertlew orayı Qaraqalpaqstan Respublikası basqarması baslıǵı M.Utepbergenov Ózbekstan jaslar awqamı Qaraqalpaqstan Respublikalıq Keńesi Jas shańaraqlar hám hayal-qızlar menen islesiw boyınsha bas qánigesi G.Jaksımuratova, «Oila» ilimiy-ámeliy izertlew orayı Xojeli rayonı bólimi, rayon Hayal-qızlar komiteti, Ózbekstan jaslar awqamı rayonlıq Keńesiniń juwaplı xızmetkerleri qatnastı. 
Ashılıw máresiminen soń jas shańaraqlar shańaraq psixologiyası, shańaraq byudjeti, reproduktiv salamatlıq, islam dininde shańaraqqa bolǵan múnásibet boyınsha tiyisli taraw qánigeleri tárepinen oqıtıldı.
Álbette bul innovacialıq mektep bir qansha jas shańaraqlar arasında ajırımlardıń aldın alıwǵa hám de shańaraqlardıń ele de bekkem bolıwına xızmet etiwi sózsiz.  

I.Mambetnazarova

Добавить комментарий

Ваш e-mail не будет опубликован. Обязательные поля помечены *