Янгиликлар

2021-жыл 1-июннан баслап мәмлекетлик мәкемелер халықтан кандай ҳүжжетлерди талап етпейди?

Өзбекстан Республикасы Президентиниң 2021-жыл 23-март күнги 6181-санлы Пәрманы менен 2021-жыл 1-июнь күнинен баслап, мәмлекетлик уйымлар, хожалық бирлеспелери, жергиликли атқарыўшы ҳәкимият уйымлары, мәмлекетлик шөлкемлер ҳәм мәкемелер тәрепинен халықтан, соның ишинде, исбилерменлерден төмендеги фактлерди тастыйықлаўшы ҳүжжетлерди талап етиў бийкар етиледи:

• паспорт нусқасы;
• 3х4 фотосүўрет;
• психиатрия диспансеринен мағлыўматнама;
• наркология диспансеринен мағлыўматнама;
• судланғанлығы ҳаққында гүўалық;
• ис ҳақы, мийнет стажы ҳәм университетте оқығанлығы ҳаққында гүўалықлар;
• пенсия ҳәм напақа муғдары;
• шаңарақтың жағдайы ҳаққындағы гүўалық;
• салық қарызларының бар яки жоқлығы;
• мийнет дәптершеси ҳәм оның нусқасы;
• инвентаризация ҳәм оның нусқасы;

Мәмлекетлик уйымлар ҳәм шөлкемлер усы ҳүжжет ҳәм мағлыўматларды тийисли мәмлекетлик уйымлар ҳәм шөлкемлерден ғәрезсиз түрде, соның ишинде,
«Электрон ҳүкимет» системасы ведомстволараралық интеграцияласыў платформасы арқалы сорап алады.

Ҳәмире Қдырбаева

You may also like

Comments are closed.