Янгиликлар

Жасларға компьютер сатып алыўы ушын кредит берилетуғын болды. Неше сумға шекем?

Өзбекстанда жасларға компьютер сатып алыў ушын 6 миллион 125 мың сўмға шекем өндирис кредитлери ажратылады. Бул ҳаққында “Жаслардың исбилерменлик жумысларын қоллап-қууатлаў ҳәм бәнтлигине көмеклесиў, оларды социаллық қорғаў және бос ўақтын мазмунлы шөлкемлестириўге байланыслы қосымша ис-илажлар ҳаққында”ғы Президент пәрманында сөз етиледи.

Нызамшылыққа көре:
“Жаслар дәптери”не киритилген исбилерменлик искерлигин баслаў ушын имарат ҳәм орынларды ижараға алған жас исбилерменлерге бир жыллық ижара қәрежетлериниң 30%и, бирақ Базалық есаплаў муғдарының 25 есесине шекем болған муғдары компенсеция етиледи.
Профессионал тәлим шөлкемлеринде оқып атырған “Жаслар дәптери”не киритилген жасларға олар ислеп шығарыў яки хызмет көрсетиў кәрханаларында әмелият өтеген ўақтында, бирақ 6 айдан көп болмаған мүддетте профессионал тәлим шөлкемлери тәрепинен Мәмлекет бюджети қәрежетлери есабынан БЕМның 2 есеси муғдарында ҳәм айлық субсидия ажратылады;
“Бир миллион бағдарламашы” жойбары шеңберинде жасларға компьютерлер сатып алыўы ушын БЕМның 25 есесинен көп болмаған муғдарда өндирис кредитлери ажратылады;
“Жаслар дәптери”не киритилген жаслардың шет тиллер ҳәм улыўмалық пәнлер бойынша мәмлекетлик емес билимлендириў шөлкемлеринде оқыў қәрежетлериниң 50%и, бирақ улыўмалық есапта БЕМның 5 есесине шекемги муғдары ҳәм олар бойынша миллий сертификатлар алыў ушын өткерилген имтиханларды тапсырыў қәрежетлери компенсеция етиледи;
“Меҳрибанлық үйлери” тәрбияланыўшылары ҳәм “Жаслар дәптери”не киритилген жаслардың авиомобиль басқарыў курсларында оқыў қәрежетлери БЕМның 4 есеси муғдарына шекем ҳәм әскерий шақырыў резерви хызмети қаплап бериледи;
Жеке меншик кәрхана ҳәм шөлкемлерге жумысқа қабыл етилген жасларды қайта таярлаў курсларында оқытыў менен байланыслы болған қәрежетлердиң БЕМның 4 есесине шекемги бөлеги компенсация етиледи.

Зухра Елмуратова,
Kar24.uz ушын арнаўлы таярлады.

You may also like

Comments are closed.