Янгиликлар

АҚШта бес мәрте жылдың ең жақсы шыпакери жерлесимиз Жолдас Қулжанов Қарақалпақстанға келди

АҚШтағы жетекши клиникалардың бири – Сент-Луис университетиниң Ортопедиялық хирургия департаменти баслығы, белгили қәниге, жерлесимиз Жолдас Қулжанов Қарақалпақстан Республикасына келди. Бул ҳаққында ҚР Денсаўлықты сақлаў министрлиги Мәлимлеме хызмети хабар берди. О.Халмуратов атындағы Республикалық көп тармақлы медицина орайында бир қатар қурамалы операцияларды әмелге асырып, наўқасларды медициналық тексериўден өткерген ҳалда өзиниң тийисли мәсләҳәт-усынысларын берди.
Сондай-ақ, Қарақалпақстандағы ортопед-травмотологларға ортопедия ҳәм травмотология тараўындағы ең соңғы заманагөй емлеў усыллары бойынша лекциялар оқыды ҳәм мастер-класслар шөлкемлестирди.
Мағлыўмат ушын, Ж.Қулжанов ҳәзирги ўақытта АҚШта жылына 700 ге шамалас қурамалы операцияларды табыслы өткериў менен бирге, Сент-Луис университетиниң клиникасында бирнеше мәмлекетлердиң травмотолог-ортопедлерине билим береди, дүньяның белгили медициналық орайларында тәжирийбе сабақларын алып барады.

Ҳәмире Кдирбаева

You may also like

Comments are closed.