Янгиликлар

Қоңыратта топырақ астында қалып қойған пуқаралар нызамсыз суў трубаларды қазып атырған болған

Қоңыратта топырақ астында қалып қайтыс болған пуқаралар бойынша «Қарақалпақ суў тәмийнаты» расмий мағлыўмат берди. Онда жазылыўынша, 2021-жыл 9-июнь күни Қоңырат районы «Сүўенли» АПЖ аймағының шөл қумлық бөлегинде, жер астында болған суў трубаны қазып алып атырған төрт пуқара топырақ астында қалып, олардан үшеўи қайтыс болған еди. «Қарақалпақ суў тәмийнаты»ның мәлим етиўинше, суў трубалары урлық жолы менен қазып алынып атырған болған.
2015-жыли Қоңырат районлық суў тармақлары филиалы балансынан шыққан ишимлик суў трубасын бул пуқаралар жердиң астынан қазып алып, оны майда бөлеклерге бөлип алып кетиў нийетинде болған. Жаўын сиңип турған боз топырақ күшли басым нәтийжесинде қазылған ойға қулап түсиў нәтийжесинде пуқаралар топырақтың астында ҳәрекет ете алмастан қалып қойған.
«Қарақалпақ суў тәмийнаты» ЖШЖ болған ўақыяға ҳеш қандай байланысы жоқ екенлигин, жоқарыдағы пуқаралар жәмийетте жумыс ислемейтуғынлығын мәлим етти.

You may also like

Comments are closed.