Янгиликлар

Опера ҳәм бақсышылық көркем өнерине қәнигелестирилген мектепке директор тайынланды

Бүгин Опера ҳәм бақсышылық көркем өнерине қәнигелестирилген мектебине Қарақалпақстанға хызмет көрсеткен артист, «Дослық» ордениниң ийеси Хожабергенов Дәрибай Айтбаевич директор етип тайынланды. Ол 1971-жыл 12-ноябрьде Нөкис қаласында туўылған. 2000-жылы Ташкент мәмлекетлик консерваториясын тамамалаған. Мийнет жолы даўамында 1989-1995-жыллары ҳәзирги академиялық театрында хор артисти, 1995-1996-жыллары Бердақ атындағы мәмлекетлик филармония қосықшысы 1997-1998-жыллары А.Наўайы атындағы академиялық опера ҳәм балет театры солисти болып ислеген. Бүгинги күнге шекем Д.Хожабергенов Бердақ атындағы академиялық музыкалы театрында вокал артисти болып жумыс алып барды.

Бул ҳаққында Мәденият министрлиги Мәлимлеме хызмети хабар бермекте.

You may also like

Comments are closed.