Мақолалар

Айрым жигитлер «рэпер» ал қызларымыз болса «спортсменка» лардай болып баратырған жоқпа?..

Мени тәлим-тәрбия тараўы ўәкили сыпатында жасларымыздың кийиниў мәденияты жүдә ойландырады. Жәмийетлик орынларда (оқыў орынларында бул белгили дәрежеде қадағаланады) жигит-қызлардың кийиниўине ҳайран қаламан, жигитлер костюм-шалбар (шалбары тар), аяқларына кроссовка, айрым жағдайларда футболканың сыртынан илгеклери илинбеген көйлеклер кийип, қолларына, мойынларына түрли тағыншақларды (биреўлери бир қулағына сырға) тағып алып (рэп жөнелисинде қосық айтатуған шет ел қосықшыларына уқсап) жүргенине не дериңди билмейсең. Қызларымыз болса әп-әнедей көйлек яки юбка-кофта кийип алады да аяғына дерлик көпшилик қызларымыз, кроссовка кийип жүреди. Дурыс турақлы бийик өкшели аяқ кийим кийиў денсаўлыққа да зыян, бирақ пәс өкшели аяқ кийимлер, ботинкалар барғо, кроссовканы қандай кийимлер менен маслап қайсы орынларда кийиўди билесиз. Рэпти билмедим дә бирақ спортшы болыў, спорт пенен шуғылланыў қандай жақсы.
Тар шалбар, дизелери, санлары арнаўлы сөтилген шалбарларды, дизеге келмейтуғын юбкаларды улыўма киймей ақ қойың (бул усыныс ҳәм илтимас) берекет тапқырлар!

Және, билимлендириў тараўын орынлыма, орынсызба сынға алып атырған, өзлери ШОРТИКТЕ съёмкаға түсип “ютуб” қа видео салып жүрген айрым блогерлердиң тәлим-тәрбия, мәдениятлылық, жаслардың кийиниўи туўралы да, тийисли тараў ўәкиллери қаяққа қарап отырыпты?.. деген гәп-сөзлерине қалмайық.

АЙНАНАЙЫНЛАР, ЗАМАНЛАС ИНИ-СИӉЛИЛЕРИМ, КИЙИНИЎ МӘДЕНИЯТЫНА ИТИБАРЛЫ БОЛАЙЫҚ!

Жаңа телеграм каналы ашылды, усы мақала сол каналдан алынған. Каналға ағза болыу, @ZAMANLASLARIM телеграм силтемеси арқалы әмелге асырылады

You may also like

Comments are closed.