Мақолалар

Нөкисли Казбек Жалалов FLEX программасы бойынша оқыўын АҚШта даўам еттирмекте

FLEX (Future Leaders Exchange Program) программасы бойынша көпшиликтиң хабары болса керек. Ол мектеп оқыўшылпрына АҚШта жасап, тәлим алыў имканиятын береди. ҳар жылы бизиң елимизден де бул программаны қолға киргизип АҚШта оқып атқан жерлеслеримиз де бар. Казбек Жалолов әне усындай жеңымпазлврымыздан бири. Оның бул программа бойынша пикирлерин итибарыңызға усынамыз.

“Мен Жалалов Казбек, Нөкис қаласындағы 37-санлы қәнигелестирилген улуўма билим бериў мектебиниң оқыўшысыман. Хазирги ўақытта Америка Қурама Штатларында болып, өзимниң оқыўымды даўам еттирип атырман.

Америкада билим алыў өмиримде ең үлкен жетискенлигим болып есапланады, ҳәмде тәжирийбе алмасыў бойынша программа көзиме түсти. Егерде адамдың алдында сондай имканият турса, ол не ислеп болмасын оған жетысыўге умтылады. Көп ўакыт сол программа бойынша оқыдым, сорадым, хам ахыры озимди сол программада сынап көриўге ниет еттим. Қатнасыўшыларды сайлаў процессы жүдә узақ болды, ҳар бир адамды сынап, тексерип ҳамде интервьюлар өткезип болғансоң туўры келетуғын қатнасыўшылар таңлап алынды.

FLEX (Future Leaders Exchange Program) программасы АҚШ билим бериў Бюросы ҳәмде АҚШтың мәденият Госдепартаменты тәрепинен қаржыландырылып дүнья жүзи бойынша нешше мың балаларды қоллап куўатлап, оларды улуўма-билим бериў мектебине жайластырып, америкалық шаңарақта жазап көриўге имканият береди. Бул программада ҳар бир мәмлекетке өзиниң қағыйдалары ҳәмде усыныслары қойылған, ал егерде Өзбекстанға қойылған усынысты айтып өтсек. Бул программада 9, 10, 11 (я болмаса 1чи/ 2чи лицей/коллеж) оқыўшылары қатнасыўға имканияты бар. Хәмде, программада қатнасыў ушын оқыўшы мектепте/колледж/лицейда жақсы бахаларға ийе болып, Инглис тилин жақсы дәрежеде билиўи керек”.

You may also like

Comments are closed.