Янгиликлар

МХОларда заманагөй үлгидеги кадастр паспортларын берыў жолға қойылды

Өзбекстан Республикасы Министрлер Кабинетиниң 2019 жыл 12 декабрьдеги 987-санлы қарары менен “Көшпес мүлк объекти кадастр паспортының жаңа үлгисин басқышпа-басқыш енгизиў ис-иләжлары ҳаққында”ғы қарары қабыл етилген еди.

Қарар талапларына муўапық, ендиликте Əндижан, Наманган ҳәм Ферғана ўәлаятлары ҳәм Ташкент қаласынан басқа, Қарақалпақстан Республикасы, Сурхандәрья, Хорезм ҳәм Наўайы ўәлаятларында да пластик түринде таярланатуғын көшпес мүлк объекти кадастр паспортын алыў мүмкин.

Яғный, 2020-2022 жылларда Қарақалпақстан Республикасы ҳәм басқа ўәлаятларда басқышпа-басқыш көшпес мүлк объектине болған мүлк ҳуқықы ямаса басқа дәлилий ҳуқықлар жүзеге келген, басқа шахсқа өткен, бийкар болған ямаса көшпес мүлк объектиниң ҳуқықый ҳалаты өзгергенлигин тастыйықлаў бойынша мүрәжат етилгенде, арза бериўши Мәмлекетлик хызметлер орайлары арқалы жаңа үлгидеги кадастр паспорты берилиўи белгиленген еди.

Бүгинги күнге келип республикамыздың барлық район (қала) Мәмлекетлик хызметлер орайларына пластик түринде таярланатуғын көшпес мүлк объекти кадастр паспортын бериў үскенеси орнатылып, хызметтиң көрсетилиўи жолға қойылды.

Бунда дәстүрий қағаз көринистеги көшпес мүлк объектлери ҳуқықын тастыйықлаўшы кадастр паспорты орнына жаңа заманагөй үлгидеги ҳәм қосымша имкәниятларға ийе (ID пластик бирден-бир идентификацион) картасы енгизилди.

❗️Кадастр паспорты электрон көриниске ийе болып, көшпес мүлк объекти ҳаққында барлық мағлыўматларды өз ишине алады. Яғный, кадастр нөмери, көшпес мүлк объектиниң ийеси, ФШШИН (физикалық шахстың шахсый идентификация нөмери), көшпес мүлк объектиниң түри, кадастр схемасы ҳәм басқа).

Жаңа үлгидеги кадастр паспортында QR-код системасы бар болып, усы система арқалы мүлкдарлар ўәкилликли шөлкемлерге мүрәжат етпестен, көшпес мүлк ҳаққындағы мағлыўматларды қәлеген ўақытта байланыс телефондағы арнаўлы қосымшалар жәрдеминде алыўлары мүмкин.

Пуқаралар енди буннан алдыңғы әмел еткен 10-15 беттен ибәрат болған кадастр паспорты орнына, жаңа үлгидеги кадастр паспортларын алады. Жаңа үлгидеги кадастр паспортлары жойтылып ямаса жарамсыз ҳалға келип қалғанда аралықтан турып блокланады ҳәм қысқа ӯақыт ишинде таза кадастр паспорты бериледи.

Бул өз нәўбетинде пуқаралар ушын оғада қолайлы ҳәм ықшам болып есапланады!

Мәмлекетлик хызметлер агентлиги
Қарақалпақстан Республикасы
басқармасы

You may also like

Comments are closed.