Янгиликлар

“Арал самалы”ның дәўири өтти ме? Клуб Про-лигадағы жүрисин даўам етеди

Соңғы ўақытлары клубымызға байланыслы “Қарақалпақстанға үлкен футбол керек емес пе? Ол бир жыл шыдап бере алды…” деген ҳәр түрли гәплер ҳәм клуб Про-лигадағы өз жүрисин тоқтатты деген мағлыўматлар айтылып, халқымыз дыққат итибарында болып тур. Буннан соң адамлар арасында бир түсиник пайда болды “клубымыз енди Про-лига ойынларына қатнаспайды…” Бул қәте пикир, 2-октябр күни жолланған хатта У-14-16-18, ҳәттеки тийкарғы қурамда мийман ойынларында қатнаса алмаўы мүмкин делинген. Бул хат ким тәрепинен, не мақсетте жиберилгени бизге қараңғы.
Ҳүрметли, Қарақалпақ футбол ассосациясы мәлимлеме хызмети бул мәселе бойынша өзлериниң социаллық тармақлардағы каналлары арқалы толық түсиник бериўин сорап қаламыз. Ҳәттеки, бул хабарды да өзимиздиң “ПФК АРАЛ САМАЛЫ” деп аталыўшы рәсмий каналдан емес, ал басқада каналлардан еситип атырмыз. Бул бойынша кейинрек және тоқталып өтемиз…
Енди тийкарғы мәселеге келсек Арал самалы клубымыз Про-лигадағы жүрисин даўам етеди ҳәм нәўбеттеги ушырасыўды Янгиер клубына қарсы өз үйинде 12-октябр күни өткереди. Айырым дереклерден келген мағлыўматларға тийкарланып айтыўымыз мүмкин, клубқа жоқарыдан қаржы ажыратылмағанлығы себеп жаслар қурамы мийман ойынларына бара алмай атыр ҳәм сол себепли ойын өткере алмайды! Журналист ҳешқандай шешим қабылламайды яки ҳүким шығармайды. Жуўмақ шығарыў өзиңизге енди…

Ерназар Исмаилов

You may also like

Comments are closed.