Янгиликлар

​​Қарақалпақстанда 9491 туўалақ тәбиятқа қойып жиберилди

Усы жылдың 29-сентябрь күни Қараөзек районы аймағында жабайы тәбиятта жоғалып кетиў қәўпи астында турған 1031 бас жорға туўалақ тәбиятқа қойып жиберилди. “Фалцон Ҳунтинг Солутионс” компаниясы жәрдеминде ҳәр жылы мәмлекетимиз аймағы әсиресе Қарақалпақстан Республикасы, Наўайы ҳәм Бухара ўәлаятларында бундай илажлар әмелге асырылды. Қарақалпақстан Республикасында 2017-2021 жыллар бүгинги күнге шекем 9491 бас жорға туўалақ тәбиятқа жиберилди. Бухара ўәлаятында жайласқан қусларды қорғаў ҳәм көбейтиў Әмирликлер орайы соның менен бирге, Наўайы ўәлаятында жорға туўалақ қусын сақлаў бойынша Әмирликлер орайы 2008-жылдан берли жорға туўалақ қусының тәбияттағы санын көбейтиў менен шуғылланып келмекте. Жорға туўалақлар Өзбекстан Республикасының “Қызыл китаб”ына киргизилген. Олар Қызылқум шөлинде жасайды. Олардың саны ҳәм диапазоны 1960-жыллардан баслап азайыўды баслаған. Бул ҳаққында Қарақалпақстан Республикасы Экология комитетиниң Баспасөз хызмети мағлыўмат бермекте.

You may also like

Comments are closed.