Янгиликлар

Доцент Уали Насиров 75 жасында қайтыс болды

Қарақалпақ мамлекетлик университетиниң физика факультетиниң ярымөткизгишлер физикасы кафедрасы доценти, физика-математика илимлериниң кандидаты Уали НАСЫРОВ 75 жасында қайтыс болды. У.Насыров 1946 жылы Тахтакөпир районында туўылды. Ол орта мектепти жоқары баҳаларға тамамлап ҳәзирги Өзбекстан миллий университетиниң физика факультетине оқыўға түседи. Оннан кейин ол үлкен илим жолын таңлап Украинаның Киев қаласында Украина илимлер академиясына қараслы ярымөткизгишлер институтында аспирантурада дүньяға белгили алым академик М.П.Лицисаның илимий басшылғында жумыс алып барды. 1978 жылы кандидатлық диссертациясын табыслы жақлады.
Ол өзиниң жумыс ислеген дәўиринде университет жәмәәти арасында үлкен абройға еристи.
Ҳақ кеўил, пидайы жанкүйер устаз Уали Наыров бизлердиң ядымызда узақ ўақыт сақланып қалады.

Бердақ атындағы ҚМУ ректораты, физика факультети жәмәәти

You may also like

Comments are closed.