Ср. Фев 26th, 2020

Kar24.uz

Янгиликлар биздан бошланади

O’zLiDeP Қарақалпақстан Республикасы партия шөлкеминиң XII Конференциясы болып өтти

Елимиз басшысы Пәрманы тийкарында қабыл етилген Ҳәрекетлер стратегиясының «Мәмлекетлик ҳәм жәмийетлик қурылысты жетилистириў» деп аталған биринши бағдарын әмелге асырыўда мәмлекетлик ҳәкимият системасында Олий Мажлистиң ролин күшейтиў, нызам дөретиўшилиги жумысының сапасын түп-тийкарынан жақсылаў, мәмлекеттиң турмысында сиясий партиялардың ролин күшейтиў нәзерде тутылған.
Ҳәрекетлер стратегиясында белгиленген ўазыйпаларды турмысқа енгизиў, партияның мақсет ҳәм ўазыйпаларын үгит-нәсиятлаў, партия ағзалары санын жәнеде көбейтиў мақсетинде Исбилерменлер ҳәрекети – Өзбекстан Либерал-демократиялық партиясы Қарақалпақстан Республикалық Кеңеси тәрепинен де бир қатар унамлы жумыслар әмелге асырылмақта.
Бул бағдарда жакында Исбилерменлер ҳәрекети – Өзбекстан Либерал-демократиялық партиясы Қарақалпақстан Республикалық партия шөлкеминиң XII Конференциясы болып өтти.
Оған Қарақалпақстан Республикасы Жоқарғы Кеңеси депутатлары, партияның Қарақалпақстан Республикалық Кеңеси ағзалары, қала ҳәм районлық партия конференцияларында сайланған делегатлар, партия белсендилери ҳәм ғалаба хабар қураллары ўәкиллери қатнасты.
Конференцияда тийкарынан күн тәртибиндеги үш мәселе яғный партия шөлкеминиң 2015-2019 жыллар даўамында алып барған жумысларын додалаў, партия шөлкеминиң қадағалаў-ревизиялық комиссиясының алып барған жумыслары бойынша есабаты ҳәм Исбилерменлер ҳәрекети – Өзбекстан Либерал-демократиялық партиясының нәўбеттеги IX Съездине партияның Қарақалпақстан Республикалық шөлкеминен делегатларды сайлаў, шөлкемлестириў мәселелери ҳәм усы жылдың декабрь айында болып өтетуғын сайлаўларға таярлықлардың барысы ҳәм алда турған баслы ўазыйпалар талқыланды.
Конференцияны Қарақалпақстан Республикасы Жоқарғы Кеңеси комитет баслығы, партияның Қарақалпақстан Республикалық Кеңеси баслығы С.Турманов ашты ҳәм басқарып барды.
Конференцияда партияның мақсет ҳәмде ўазыйпаларын орынларда үгит-нәсиятлаў, электоратымыз ўәкиллери болған исбилермен ҳәм фермерлерди ҳәр тәреплеме қоллап-қуўатлаў, әсиресе ҳаял-қызлар ҳәм жасларды исбилерменликке кеңирек тартыў, партия жанындағы бөлимлер тәрепинен өткен жыллар даўамында исленген жумыслар, жетискенликлер менен биргеликте жол қойылған қәте-кемшиликлер де сын көз қараста додаланды.
2014-жылда Қарақалпақстан Республикасы бойынша партиямыз ағзалары саны 13 мыңнан аслам болып, олар 600 ден аслам басланғыш партия шөлкемлерине бириктирилген болса, бүгинги күнге 48 мың 483 партия ағзалары 986 басланғыш партия шөлкемлерине бириктирилген ҳалда жумыс алып бармақта.
2014-жылы болып өткен сайлаўларда Өзбекстан Республикасы бойынша Олий Мажлис Нызамшылық палатасына 8 округтен 3 депутат, Олий Мажлис Сенатына 3 сенатор, Қарақалпақстан Республикасы Жоқарғы Кеңесине 65 округтент 25 депутат, яғный 39 пайыз, Халық депутатлары қалалық, районлық Кеңеслерге 413 округтен 147 депутат, яғный 36 пайыз депутатлар партиямыз ағзаларынан сайланып, Қарақалпақстан Республикасы бойынша сиясий партиялардың арасында ең жоқары көрсеткишке ийе болды.
Партиямыздан Қарақалпақстан Республикасы Жоқарғы Кеңеси ҳәм Халық депутатлары қалалық, районлық кеңеслерине сайланған депутатлар тәрепинен 2019-жылдың өткен дәўири даўамында 2780 депутатлық сораўлары жиберилгди ҳәм 1471 мәрте лаўазымлы шахслардың есабатлары тыңланды.
Халық депутатлары жергиликли Кеңес сессияларына сайлаў дәўиринен баслап 273 усыныс киритилип, олар бойынша 258 қарар қабыл етилген.
Өткен дәўир ишинде жергиликли Кеңеслер депутатлары басламасы менен 600 ден артық мәселе депутатлық топарларында додаланған, ал, Халық депутатлары Кеңесиндеги турақлы комиссиялар мәжилислерине 403 усыныслар киритилип додаланған ҳәм олар бойынша 376 қарар қабыл етилгенлиги атап өтилди.
Буннан тысқары мәмлекетимиз сиясий турмысындағы сиясий мапаз сайлаўларға таярлықлар бойынша алып барып атырған жумысларға да тоқтап өтилди.
Бәршеңизге мәлим, быйылғы сайлаўлар “Жаңа Өзбекстан – Жаңа сайлаўлар” сүрени астында жаңаланған Сайлаў кодекси тийкарында өткериледи. Бул бағдарда республикамызда ҳәрекет етип турған бес сиясий партиялар қатарында ӨзЛиДеП партиясы да жуўапкершиликти сезинген ҳалда сайлаўалды үгит-нәсият жумысларын алып бармақта.
Яғный сайлаўларға таярлық көриў ҳәмде оны өткериў бойынша ӨзЛиДеП Қарақалпақстан Республикалық Кеңеси ҳәм районлық, қалалық Кеңеслери тәрепинен сайлаўалды штаблары дүзилип, сайлаў кампаниясы даўамында әмелге асырылатуғын илажлардың календарь режеси тастыйықланып, белгиленген календарь реже тийкарында жумыслар алып барылып атырғанын атап өтилди.
Конференция даўамында күн тәртибиндеги мәселелер бойынша баянатшылардың баянатлары тыңланды ҳәм Исбилерменлер ҳәрекети – Өзбекстан Либерал-демократиялық партиясының IX Съездине Қарақалпақстан Республикалық партия шөлкеминен делегатлар сайланды.

Гөззал Жалгасова
Партияның жаслар қанаты ағзасы