Чт. Ноя 14th, 2019

Kar24.uz

Янгиликлар биздан бошланади

Бир мүрәжат изинен: Қоңыраттың «Қазақ аўыл» елатына суў қашан келетуғыны анық болды

Қоңырат районы ҳәкимлиги Kar24.uz сайты арқалы Серикбаева Дарига авторлығында шыққан «Қоңыраттың «Қазақ аўыл» елатына суў қашан келеди?» атлы мақаласы бойынша төмендегилерди мәлим етип билдиреди:
Онда пуқара аймақта ишимлик суў мәселеси қыйыншылық туўдырып атырғанлығына наразылық билдирип өткен.
Бул мәселе бойынша район ҳәкимлиги, «Түйемойын-Нөкис» регионаллық суў өткизгишинен пайдаланыў басқармасы Қоңырат районлық суў тармақлары мекемеси, «Өрнек» аўыл пуқаралар жыйыны ҳәмде мүрәжат ийеси бенен биргеликте мүрәжат орны үйренип шығылды. Мүрәжатты үйрениў барысында Өзбекстан Республикасы Президентиниң 2018-жыл 29-марттағы «Абат аўыл» дәстүри ҳаққында»ғы ПФ-5386-санлы Пәрманының орынланыўын тәмийинлеў мақсетинде «Өрнек» аўыл пуқаралар жыйыны аймағы 2020-жылға «Абат аўыл» дәстүрине усыныс етип киритилгенлиги, бүгинги күнде бул аймақта орынланыўы режелестирилген жумыслар көлеми бойынша тийисли жойбарлаў институтлары тәрепинен ҳүжжетлер таярланып атырғанлығы, усыныс тийкарында ишимлик суў мәселеси бойынша «Өрнек» аўыл пуқаралар жыйыны аймағында ишимлик суў тармақлары тартылыўы режелестирилгенлигин, бул бағдардағы жумыслар тийкарынан 2020-жылы әмелге асырылатуғынлығы ҳаққында түсиниклер берилди.

Аймақты қыйнап киятырған аўыз суў мәселеси өз шешимин тез арада таўады.

А.Косымбетов,
Қоңырат районы ҳәкиминиң
капитал қурылыс, коммуникациялар,
коммунал хожалығы ҳәм абаданластырыў мәселелери бойынша орынбасары