Ср. Окт 16th, 2019

Kar24.uz

Янгиликлар биздан бошланади

МОЙНАҚТАН «ЖОЛҒА ШЫҚҚАН» ЖЫҢҒЫЛЛАР ӘМИЎДӘРЬЯДА ИРКИЛДИ

2019-жылдың 9-сентябрь күни түңги саат 02:00 әтирапында Қарақалпақстан Республикасы Экология ҳәм қорашаған орталықты қорғаў комитети ҳәм Қыпшақ мәмлекетлик тоғай хожалығы менен биргеликте өткерилген гезектеги рейд даўамында, Әмиўдәрья районы Қыпшақ АПЖ аймағында пуқаралар Р.Ҳ, М.Д, Т,Т, М.Е. ҳәм М.Б лар өзлерине тийисли болған мәмлекетлик белгиси 90 S 145 EA, 90 N 378 AA , 90 Н 249 ЕА, 90 Y 460 EA ҳәм 90 D 123 DA болған автомашиналары арқалы нызамсыз түрде жыңғыл өсимлигин кесип, алып киятырғанда иркилди.

Пуқаралар бул ис-ҳәрекетлери арқалы «Өзбекстан Республикасы өсимлик дүньясын қорғаў ҳаққында»ғы нызамның 37-статьясын қопал түрде бузып, өсимлик дүньясына 3,997 587 сум зыян келтирген.

Тексериўлер даўамында пуқаралар Хорезм ўалаяты «Янги ариқ» районы турғынлары екенлиги ҳәм жыңғыл өсимликлерин Мойнақ районы аймағынан алып киятырғанлығы анықланды.

Исленген бул нызамбузыўшылық ҳәрекети ақыбетинде пуқараларға жәми 5 575 000 сум жәрийма белгиленди.

Қарақалпақстан Республиксы Экология комитетиниӊ Жәмийетшилик ҳәм ҒХҚ менен ислесиў бөлими