Вт. Окт 15th, 2019

Kar24.uz

Янгиликлар биздан бошланади

NMPI oqıtıwshılari hám magistrantları Xalıqaralıq jazǵı mektepte qatnaspaqta

Samarqand qalasinda Samarqand Mamleketlik Universiteti, Ózbekistan fizika jámiyeti, Germaniya Federativ Respublikasiniń «Volkswagen Stiftung» kompaniyasi hám Italyanıń Ózbekstan Respublikasindaǵı Turin Politexnika Universiteti birgelikte 2019-jıldiń 10-18-sentyabr kúnleri «New Advances in Quantum Information Science and Quantum Technology» Xalıqara jazǵı mektep (Summer school) óz jumısın ótkermekte.

Bul toǵız kúnlik jazǵi mektepte dúnyaniń túrli mamleketlerinen Germaniya, Angliya, Azerbayjan, Pakistan, Iran, Yaponiya, Singapur, Qazaqstan hám Tajikistanlı jas alımlar qatnaspaqta.

Xalıqaralıq jazǵı mekteptiń maqseti: Kvant kompyuterin jaratiw máselesi bolip, alimlar bul boyinsha óz tájriybesin kásiplesleri menen bólispekte hám keleshektegi úlken rejeler boyinsha pikir alispaqta.
Shólkemlestirilgen «New Advances in Quantum Information Science and Quantum Technology» Xalıqara jazǵı mektep (Summer school) baǵdarlamasinda Nókis Mámleketlik Pedagogikalıq Institutı Fizika-matematika fakulteti «Fizika oqitiw metodikasi» kafedrasi oqıtıwshısi docent B.Yavidov, assistent-oqıtıwshılar A.Jalekeshov hám R.Ametov, 2-kurs Anıq hám tábiyiy pánlerdi oqıtıw metodikası (fizika hám astronomiya) qánigeligi magistrantlar I.Jaksimuratov hám D.Xajibaevlar qatnaspaqta.

Bul jazǵı mektep oqıtıwshılar, doktorantlar hám jas alımlardiń kvant fizikası boyınsha bilimlerin bekkemlewine ulis qosadi.

I.Jaksimuratov,
NMPI 2-kurs Anıq hám tábiyiy pánlerdi oqıtıw
metodikası (fizika hám astronomiya)
qánigeligi magistrantı.