Вт. Окт 15th, 2019

Kar24.uz

Янгиликлар биздан бошланади

БААДАН АЛЫП КЕЛИНГЕН ЖОРҒА ТУЎАЛАҚ ҚУСЛАРЫ ТАХТАКӨПИР АЙМАҒЫНА УШЫРЫЛДЫ

16-сентябрь күни Қызыл китапқа киргизилген «Дрофа красотка» яғный Жорға туўалақ қуслары Тахтакөпир районында жайласқан «Қызылқум» аймағында кеӊисликлерге жиберилди.
Қарақалпақстан Республикасы Экология ҳәм қоршаған орталықты қорғаў комитети ҳәм “Falcon Hunting Solutions” компанияси тарепинен Өзбекстан Республикасы Қызыл китапқа ҳәм Тәбиятты қорғаў Халықаралық Шөлкеми Қызыл китабына киргизилген, жоқ болып кетиўи алдында турған – Жорға туўалақ қуслары Тахтакөпир районында жайласқан «Қызылқум» кеӊисликлерге жиберилди.
Олар жәми 84 контейнерде алып келинген болып, тәбият қушағына 504 бас қус ушырылды. «Дрофа красотка»лар Бирлескен Араб Әмирликлерине қараслы “International fund for houbara conservation” орайында көбейтилген.
Еслетип өтемиз, Жорға туўалақлар Өзбекстан Қызыл китабына 2009-жылда киргизилген. Олардың саны ҳәм жасаў майданы 1960-жыллардан баслап қысқарыўды баслаған.

Қарақалпақстан Республикасы Экология комитетиниӊ Жәмийетшилик ҳәм ҒХҚ менен ислесиў бөлими