Ср. Авг 12th, 2020

Kar24.uz

Янгиликлар биздан бошланади

Сайлаўдан соң жергиликли «Партияға мүрәжатлар» телеграм каналы ашылады

Жаслардың мәмлекетте әмелге асырылып атырған реформаларға байланыслылық сезимлерин пайда етиў, сиясый ҳуқықларынан толық пайдаланыў көнликпесин қәлиплестириў, ҳуқықый саўатханлығын асырыў, 22-декбарь күнги сайлаўларда белсене қатнасыўын тәмийинлеў, районлық сисый партиялардың сайлаў алды дәстүрлери менен жақыннан таныстырыў мақсетинде “Сайлаў ҳәм жаслар” атамасында 2019-жылы 2-декабрь күни күни 49-санлы мектепте ушырасыў шөлкемлестирилди.
Ушырасыўда сайлаўда биринши мәрте даўыс бериўши жаслар ҳәмде, жергиликли партия баслықлары, партиялардан депутатлыққа талабан сыпатында көрсетилген ўәкиллер қатнасты.
Тийкарынан:
Исбилерменлер ҳәрекети Өзбекстан либерал демократик партиясы Шымбай районлық Кеңеси баслығы Ғаниев Бекбосын;
Миллий тикланиш демократиялық партиясы баслығы Қдирниязов Ҳәмидулла;
Адолат социал демократиялық паритясы баслығы Сулайманов Қаназат;
Халык демократиялық партиясы баслығы Турдымуратов Бахрам;
Экологиялық партия баслығы Турғанбаев Айдарбек.

Жергиликли партия баслықлары сайлаў алды дәстүрлери, депутатлыққа көрсетилген талабанлар дизими, алдағы дәўирде әмелге асырылыўы белгиленген ўазыйпалары ҳаққында тоқталып өтти.

Жаслар аўқамы Шымбай районлық Кеңеси баслығы орынбасары Сәрбиназ Жолымбетова бираз сын пикир билдирди. Атап айтқанда депуталыққа талабан сыпатында көрсетилген ўәкиллер тек ғана алдыннан белгиленген залы бар мектеп яки колледж имаратында емес, көшелерге, мәҳәллелерге шығып әпиўы, үйинде отырған халық пенен ушырасыў лазым. Себеби белгили бир жумыс орынына ийе пухаралардың дерлик 90 пайыздан артығы социаллық тармақларға киреди, сол арқалы депуталыққа талабанлар ҳаққында, партия ҳаққында анағурлым мағлыўматқа ийе. Айтпақшы болғаным ҳәр бир мәҳҳаледе көше бийлери болады, солар арқалы халыкты жыйнап депутат боламан деген сыясый ўәкил халықтың алдына шығып ўәделерин берсин. Сондай-ақ 22-декбарь сәнесинен соң жергиликли партиялар ҳәм депутат сыпатында сайланған ўәкиллер “Партияға мүрәжатлар” телеграм каналын ашыўға ўәде берди. Бул арқалы пухаралар усы каналға өз машқалаларын, усынысларын билдирип барады, олардың шешимине жәмийетлик қадағалаў орнатылады.