Вт. Окт 15th, 2019

Kar24.uz

Янгиликлар биздан бошланади

Taxtakópirli Jansulıw “Central Asia’s Got Talent” xalıqaralıq joybarında bársheni tań qaldırıp, 4-turǵa jollama aldı

Gimnastikalıq iyiliwsheńlik háreketleri menen kópshilikti tań qaldırıp atırǵan Tatlımuratova Jansulıw Alibek qızı, Taxtakópir rayonlıq Xalıq bilimlendiriw bólimine qaraslı 3-sanlı ulıwma bilim beriw mektebiniń 6-klass oqıwshısı.
Mag’liwmat ushin:  Ol 2007-jıl 5-noyabrde Taxtakópir rayonında tuwılǵan. Eki yarım jasınan baslap, sporttıń gimnastika túri menen turaqlı shuǵullanıp kelgen. Ustazı Taxtakópir rayonlıq Balalar hám jas óspirimler sport mektebi treneri Ońdasınova Gúlsaradan, sonday-aq úy shárayatında anası Tájimuratova Gúlmiradan gimnastikada iyiliwsheńlik sırların úyrenip kelmekte.
Jansulıw “Central Asia’s Got Talent” xalıqaralıq joybarında Ózbekstan Respublikasınan qatnasıp, Tashkent qalasında ótkerilgen 1-2 hám 3-turda eń kóp dawıs jıynap, Qazaqstan Respublikasında ótkeriletuǵın 4-turǵa qızǵın tayarlıq kórmekte.

Jansulıwǵa tabıslar tileymiz!

Indira Mambetnazarova