Ср. Апр 8th, 2020

Kar24.uz

Янгиликлар биздан бошланади

М.Ерниязов Мойнақлы 7 жасты «Үмит ушқыны» көкирек нышанлары менен сыйлықлады

Күни кеше, 28-декабрь күни Өзбекстан Республикасы Президенти мәсләҳәтшиси, генерал лейтенант Турсинхан Худайбергенов, Қарақалпақстанлы Өзбекстан қаҳарманлары Муса Ерниязов, Ғайратдин Хожаниязов, Сәрсенбай Сейтназаровлар Мойнақ жаслары ушырасты. Ушырасыўда жүзден аслам жаслар жақыннан сәўбетте болып, Мойнақтың бүгинги өзгерислери, жаңаланыўлары ҳаққында толқынланып сөз етти.
Ушырасыўда жәмийетлик жумысларда белсенди, спорт тараўында, сондай-ақ Халық аралық жойбар жеңимпазлары, теңлеслерине үлгили болып киятырған жас талант ийелери яғный Мойнақлы Садуллаев Артур, Худайбергенов Расулбек, Кемалова Арайлым, Салиева Бийбиханлар Қарақалпақстан Республикасы Жоқарғы Кеңеси баслығы М.Т.Ерниязов тәрепинен «Үмит ушқыны» көкирек нышаны менен сыйлықланды.
Илаж шеңберинде М.Ерниязов жаңадан ашылған «»MOYNAQ AKVA SANAAT»» мәмлекетлик унитар кәрханасында болып, ол жердеги ең жас хызметкер Устемиров Жавлонбекке, сондай-ақ «Мўйноқ порлоқ текс» жуўапкершилиги шекленген жәмийетиндеги жумыс барысындағы белсенди, жас тигиўши ҳаял-қызлар Шералиева Балғым ҳәм Жамалова Ақсүнгуллерге де «Үмит ушқыны» көкирек нышанларын тапсырды.
Бул жоқары итибар, Мойнақлы жаслар қәлбине жәнеде күш-ғайрат, исеним бағышлағанлығы сөзсиз.

Мәлимлеме хызмети