Ср. Апр 8th, 2020

Kar24.uz

Янгиликлар биздан бошланади

Қоңырат районында жаңа жыл байрамы өткерилди

Жаңа жыл, бул-жаңа мақсетлер ҳәм жаңа нийетлер. Бәршемиз бул байрамды асығыслық пенен күтемиз. Жаңа жыл ҳаққында ойлар екенбиз, қарбаба менен қар қыз ҳәм ойыншықлар менен безетилген сулыў шырша көз алдымызға саўлеленеди.

Республиксмыз бойлап жаңа жыл байрамы көтериңки кейпиятта белгиленип келинбекте. Сол қатары районымыздағы ғәрезсизлик майданшасында да “Ассалам жаңа жыл” атамасында жаңа жыл байрамы болып өтти. Байрамды районымыз ҳәкими Б.Сапаров ашып берди ҳәм районымыздың 2019-жылда ерискен жетискенликлери ҳаққында айтып өтип, район халқын  жаңа жыл байрамы менен қызғын қутлықлады.

Районымыздағы бағыўшысынан айырылған ҳәм кем тәмийинленген шаңарақлар перзентлерине район белсендилери тәрепинен Президент саўғалары тапсырылды. Жаңа жыл байрамы районлық мәденият бөлими тәрепинен таярланған концерт бағдарламалары менен даўам етти.

Қоңырат районы ҳәкимлиги Мәлимлеме хызмети