Ср. Апр 8th, 2020

Kar24.uz

Янгиликлар биздан бошланади

Видеодағы 3-“магазин”ниӊ пирочкисиндеги нангөрек “шөлкемлестирилген” яки журналистикалық тексериўдиӊ нәтийжеси не болды?

“Kar24.uz” сайтында “Шешемниӊ май дегени торақ шықты” атамасындағы видеоблог материал жәрияланған еди. Мақалада Нөкис қаласындағы 3-санлы саўда дүканында сатылып атырған нан өнимлериниӊ сапасы талапқа жуўап бермеслиги бойынша мүрәжат тийкарындағы сын пикир билдирилген. Галия Күлимбетова усы материал бойынша арза менен мүрәжат еткен.
Kar24.uz
“Галия Күлимбетова 2019-жыл 10-февралда Редакцияға жазған арзасында жеке исбилермен екенлигин, Нөкис қаласы Әмир Тимур көшесинде жайласқан 3-санлы магазинде жумыс ислейтуғынлығын билдирип, “Kar24.uz” сайты арқалы шығарылған көрсетиўде магазиннен алынған карточкалы пирожки нан азық аўқат өниминен “буўын аяқлар типи, нангөрек топарына кириўши насекома” шықты деп көрсеткен ҳәрекет бойынша журналистлик тексериў өткериўди сораған.
Редакция тәрепинен мүрәжат бойынша, Қарақалпақстан Республикасы, Өзбекстан Республикасы “Ғалаба хабар қураллары ҳаққында”ғы нызамының 35-1-статьясы ҳәм “Журналисттиң кәсиплик жумысын қорғаў ҳаққында”ғы нызамының 14-статьясына сүйенген ҳалда журналистлик тексериў алып барылды.
Тексериў барысында төмендегилер анықланды:
Бириншиден, алынған видеода әйнен сатып алынған өним қай жерде қәй тәртипте түсирилгенлигин аңлаў иләжы жоқ, бул өним бойынша мәпдар тәреп ямаса жәбирлениўши бар болса, қадағалаўшы органларға мүрәжат етиўи керек еди, лекин бул ҳәрекет бойынша мүрәжат болмаған.
Екиншиден, бул ҳәрекет қәншелли ҳақыйқатқа туўры келеди деген сораў менен журналистлер тәрепинен Қарақалпақстан Республикасы санитариялық эпидемиологиялық тынышлық орайы”на ҳәмде усы орайда жайласқан инспекцияның жуўаплы хызметкерлери, санитар врач, эпидемиологлар менен сәўбетлесиў өткерилди, мине олардың пикиринше бул пирожки өними ишинен шыққан “буўын аяқлар типи, нангөрек топарына кириўши насекома” пирожкидиң үстинги қабатында жайласқан болып бундай ҳәрекет қәнигеге гуман туўдырды, жәнеде егер бул насекома ҳақыйқаттанда пирожки өними ишинде болған жағдайда қамыр менен араласып ямаса қамырды ийлеген яки жайған ўақытта оқлаў таяқшасы астында езилип ямаса бөлеклерге бөлинип кеткен болар еди, жәнеде егер ҳақыйқаттанда видеода көрингендей қамырдың үстинги қабатында жайласқан тәғдирде онда 180 градус ыссылықтағы ақ май өниминде қуўырмаш болып қалған болар еди, ал видеода болса насекома ири ҳәм күймеген ҳалда ҳәттеки қанатларына шекем көринип турғанлығын билдирди.
Жоқарыдағылардан келип шыққан ҳалда сондай жуўмақ шығарыў мүмкин:
1.Интернет тармағында тарқалған унамсыз ҳәрекет ҳақыйқатқа туўры келмейди деген шешимге келинсин.
2.Өзбекстан Республикасы “Исбилерменлик жумысы еркинлигиниң кепилликлери туўрысында”ғы нызамының 11-статьясында исбилерменлик субьекти бойынша анықлап болмайтуғын ҳәрекетлер исбилермен пайдасына түсиниледи деген норма мағлыўмат ушын қабыл етилсин.
3.Арза ийесине бул унамсыз ҳәрекет бойынша судқа шағым етиў ҳуқықы бар екенлиги түсиндирилсин”.

Д.Тәжимуратов,
“Ел хызметинде” газетасы бас редакторы