Пт. Июл 10th, 2020

Kar24.uz

Янгиликлар биздан бошланади

Қабыллаў — 12 февраль жағыдайына: Оқыўды көшириў бойынша ҳүжжетлер қабыл етилмекте

Ҳәр күни сайтымызда қоңсы мәмлекетлерде оқып атырған студентлердиң Республикамыздағы университет, институтларға ҳүжжет тапсырыў процесси ҳаққында мағлыўмат берип киятырмыз. (Тәжикстан, Қырғызстан ҳәм Қазақстан) Оқыўды Өзбекстанға көшириў мүддети усы жылдың 15-март сәнесине шекем узайттырылды.

Бул бойынша Қарақалпақстан Республикасындағы Исши топар Бердақ атындағы Қарақалпақ мәмлекетлик университетиниң Мәлимлеме-ресурс орайында жайласқан болып, усы жылдың 12-февраль күнги ҳалатына Қарақалпақстан Республикасындағы Исши топарға ҳәр қыйлы оқыў орынларына 340 ҳүжжет тапсырылды, деп хабар бермекте университет Баспасөз хаткери.
Мағлыўматта төмендеги талаплар да келтирилген:

«Оқыўды көшириў бойынша арзалар төмендеги талапларға тийкар қабылланады:

пуқараның турақлы жасаў мәнзили (жоқары оқыў орнының сыйымлылығы яки аймақтағы жоқары оқыў орынларында тийисли тараў бойынша бакалавриат тәлим бағдарлары болмаған жағдайларда басқа ўәлаяттағы жоқары оқыў орнына усыныс етилиўи мүмкин);

студент оқып атырған бакалавриат тәлим бағдарының оқыўы көширилип атырған бакалавриат тәлим бағдарына сәйкеслиги (бундай бағдар болмаған жағдайда түрлес екенлиги);

сырт елде студент оқып атырған бакалавриат тәлим бағдарларының айырмашлықларын инабатқа алған ҳалда оларды тийкарынан сыртқы ҳәм кешки тәлим түрлерине усыныс етиў;

студентлер оқыўын көшириўде Өзбекстан Республикасы жоқары оқыў орынларының бар имканиятлары (материаллық-техникалық база, яғный сменалы коэффициенти, профессор-оқытыўшылар менен тәмийинленгенлик дәрежеси ҳам басқалар) инабатқа алынады.

Пуқаралардан Аймақлық исши топарларға төмендегише ҳүжжетлерди усыныў талап етиледи:

арза (орнында толтырылады);

рейтинг дәптершеси яки академиялық мағлыўматнама (транскрипт) нусқасы;

паспорт нусқасы.

Сырт ел жоқары оқыў орынларынан студентлер оқыўын республика жоқары оқыў орынларына көшириў төлемли-контракт тийкарында әмелге асырылады.

Мағлыўмат ушын телефонлар:

61-223-60-51

61-223-59-30″