Янгиликлар

Қарақалпақстанлы студент өз жойбарын инвесторларға усынды ҳәм 50 миллион сум жеңип алды

Хабарыңыз бар, ҳәр жылы елимизде жаслардың жойбарларын қоллап-қуўатлаў мақсетинде Стартап таңлаўы өткерилип келинбекте.
Ташкент қаласында мине бул таңлаўдың Өзбекстан Республикасы басқышы болып өтти. Таңлаўда Ташкент информация технологиялары университети Нөкис филиалы студенти Ли Андрейдиң жойбары ең жақсы ислеп шығылған жойбар деп табылып, cыйлы биринши орынды қолға киритти. Жеңимпазға шөлкемлестириўшилер тәрепинен арнаўлы диплом ҳәм 50 милиион сум муғдарында ақшалай пул сыйлығы тапсырылды.
Мағлыўмат ушын атап өтемиз,бул таңлаў БМШ бағдарламасы. Саўда-санаат палатасы, Өзбекстан Республикасы Жаслар аўқамы, ИТ парк ҳәм басқада тийисли шөлкемлестириўшилер тәрепинен өткерилип келинбекте. Таңлаўда қатнасыушылар өз жойбарларын инвесторларға усыныў имканиятына ийе болады.

You may also like

Comments are closed.