Янгиликлар

Хожелидеги байрам: тилеклер, саўғалар, саз-сәўбет ҳәм әжайып дастурхан

Бүгин Хожели районындағы “Дослық” ресторанында 8-март “Халықаралық ҳаял-қызлар күни” мүнәсибети менен салтанатлы байрам кешеси болып өтти. Ҳаял-қызларымыз қандай тараўда мийнет етпесин, биринши нәўбетте ҳүрметли ҳәм әдиўли ана, сүйикли яр, мүқәддес инсан сыпатында көз алдымызға келеди. Адам әлемде барлық жақсылықларды, сондай-ақ өмирдиң сырын ҳәм сабақларын ананыӊ мийрими ҳәм меҳринен үйренеди. Ол миллеттиң руўхый байлығын қәлбине сиңдирген дәстүрлерди, үрп-әдетлерди, өзликти, тарийхты ийелеген миллий мәденият тымсалы. Бәзимде бир қанша ҳаял-қызларымыз мүнәсип сыйлықланып, олар ушын арналған қымбат баҳалы саўғалар тапсырылды. Байрам заўқын еледе көтериў мақсетинде Республикамыз ҳәмде районның мәденият хызметкерлериниң атқарыўында концерт бағдарламасы инам етилди.
Бәршеӊизге 8-март халықаралық Ҳаял-қызлар байрамы мүбәрек болсын!

You may also like

Comments are closed.