Сб. Июн 6th, 2020

Kar24.uz

Янгиликлар биздан бошланади

Ҳəкимлик имараты есиклери барлық пуқаралар ушын ашық, парашют шәрт емес

Республикалық “Ел хызметинде” газетасының 2020-жыл 29-февраль күнги №3-4 санларында жәрияланған ҳәм Kar24.uz сайтында шыққан «Шымбай ҳәкимиятына енди…парашют пенен түсемиз бе?» деген мақалаcында автор Шымбай районы ҳәкиминиң қабыллаӯына кириӯде бир қанша қыйыншылықлар бар екенлигин келтирип өткен.
Биз мақалада көрсетилген машқалаларға айдынлық киритип, төмендегилерди мәлим етемиз:
Биринши гезекте соны атап өтиў керек, бүгинги күнде район ҳәкими пуқараларды ҳәпте даӯамында Ҳүкиметлик оператив тапсырмалардан тысқары ӯақытларда иркинишиз қабыллап келмекте. Ҳәттеки, қаладан жырақ жайласқан аймақларға барып белгиленген тәртипте аӯылда жасайтуғын пуқаралардың машқалаларын үйренип оларға шешим таппақта.
Мақала бир тәреплеме жазылған болып, онда басшысы ҳәм басқа да хызметкерлерин қаралаӯға ҳәрекет етилип, район ҳәкимиятына кириӯде қыйыншылықлар бар екенлиги бурмалап көрсетилген. Себеби, мақалада сөз етилген жағдайда кишигирим түсинбеўшиликлер яки ишки тəртиплерлерге бола, ўақтынша иркиниш болғаны итимал.
Жуўмақ орнында сын материалда атап өтилген қәте-кемшиликлердиң буннан былай қадағалаўға алынғанын ҳəм Шымбай районы ҳəкимлиги имараты есиклериниң барлық пуқаралар ушын ашық екенлигин мəлим етемиз.

Шымбай районы ҳәкимлиги Мәлимлеме хызмети