Сб. Июн 6th, 2020

Kar24.uz

Янгиликлар биздан бошланади

31-март саат 11:00 ге Қарақалпақстан Республикасында коронавирусқа шалынған бирде-бир наўқас анықланбады, 547 пуқара карантинде

2020-жыл 31-март саат 11:00 ге Қарақалпақстан Республикасында коронавирусқа шалынған бирде-бир наўқас анықланбады, деп хабар бермекте Қарақалпақстан Денсаўлықты сақлаў министрлиги мәлимлеме хызмети.
Қарақалпақстанда стационар шараятында улыўма карантинге алынған пуқаралар саны 547 ти қурайды. Соннан Нөкис қаласындағы санаторияда – 307, Тақыятас районлық санаторияда – 91, Нөкис районлық реабилитация орайында – 100, Нөкис юридикалық колледжинде – 41 ҳәм Республикалық жуқпалы кеселликлер емлеўханасында – 8 пуқара жайғастырылған.
«Журтласларымызға айтпақшы болғанымыз – усындай қыйын ҳәм жуўапкерли күнлерде шыпакерлер талапларына ҳәм санитария-эпидемиологиялық тынышлық тәртиплерине әмел етиў жүдә әҳмийетли ҳәм шәрт. Тәртип күшейттирилген дәўирде көшеде жүргеннен көре, үйде қалыў оғада зәрүр. Буның менен тек ғана өзиңизди, сондай шаңарағыңызды, журтымызды ҳәм жәмийетимизди коронавирус бәлесинен асырыўға өз үлесиңизди қосқан боласыз», дейди министрлик хабарында.