Сб. Июн 6th, 2020

Kar24.uz

Янгиликлар биздан бошланади

Рәсмий: 7-апрель ҳалатына Қарақалрақстанда 11 наўқас дизимге алынды

2020-жыл 7-апрель ҳалатында Қарақалпақстан Республикасында коронавирусқа шалынған наўқаслар саны 11ди қурамақта, деп хабар бермекте Денсаўлықты сақлаў министрлиги Мәлимлеме хызмети.

Рәсмий хабарда жазылыўынша, 6-апрель күни Нөкис қаласында жасайтуғын бир ер адам ҳәм оның анасында «COVID-19» инфекциясы анықланғаны ҳәм олар менен тығыз қатнаста болған адамлар карантинге алынып, олардан да анализлер алынған еди.
Анализлер нәтийжелерине көре, тилекке қарсы, және төмендегилерде коронавирус кеселлиги анықланған:
– ер адамның ҳаялы ҳәм олардың еки қызында;
– ер адам менен оның анасына медициналық жәрдем көрсеткен мийирбийке ҳәм оның қызында;
– ер адам менен бирге жумыс ислеўши ер адамда;
– Айрықша жағдайлар министрлигинде хызмет сапары менен Ташкент қаласынан келген 3 ер адам.
Ҳәзирги пайытта кеселленгенлер Республикалық жуқпалы кеселликлер емлеўханасында емленбекте. Олардың жағдайы орташа дәрежеде.
Эпидемиологиялық тексериў жумыслары даўам етпекте.

«Пурсаттан пайдаланып, журтласларымызға айтпақшы болғанымыз – усындай қыйын ҳәм жуўапкерли күнлерде шыпакерлер талапларына ҳәм санитария-эпидемиологиялық тынышлық тәртиплерине әмел етиў жүдә әҳмийетли ҳәм шәрт. Тәртип күшейттирилген дәўирде көшеде жүргеннен көре, үйдe қалыў оғада зәрүр. Буның менен тек ғана өзиңизди, сондай шаңарағыңызды, журтымызды ҳәм жәмийетимизди коронавирус бәлесинен асырыўға өз үлесиңизди қосқан боласыз», дейди министрлик.