Сб. 30 мая, 2020

Kar24.uz

Янгиликлар биздан бошланади

Айырым қосықшыларға сиясий билим жетиспей ме яки бул итибарсызлық па?

Бүгин Инстаграм социаллық тармағы ҳәр қандай қосықшының “Реклама тахтасы”на айланғаны ҳәммеге мәлим. Көпшилик қосықшыларымыздың карантин дәўиринде үйде онлайн концерт берип, ҳәр түрли челленджлерди өткерип, аралықтан қосық айтыў арқалы халқымыздың кейпиятин көтергени алғысларға ылайық, әлбетте.


Бирақ, “9-май Еслеў ҳәм қәдирлеў күни” улыўма халықлық байрамы, Фашистлер үстинен ерисилген жеңистиң 75 жыллығы эстрада қосықшыларымыздың, мәденият тараўы белендилериниң әскер кийиминдеги ҳәр қыйли монтажланған сүўретлери социаллық тармақларды гүжитти десек қәтелеспеймиз.
Буннан бир жыл алдын 2019-жыл 24-апрель күни “9-май Еслеў ҳәм қәдирлеў күни»н мүнәсип күтип алыў бойынша өткерилген селектор жыйналысында Георгий лентасының ғалабаласып баратырғанлығы сын пикирге алынған еди. Сондай-ақ, жыйналыста социаллық тармақларда Өзбекстан Республикасы байрағы сәўлеленген челленж шөлкемлестириў, оған белгили эстрада қосықшылары, спортшылар, сөз усталары ҳәм зиялыларды қамтыў ўазыйпалары тапсырылды.

Соған карамай, айырым Қарақалпақстан Республикасына хызмет көрсеткен артистлер, “Ниҳол” сыйлығының лауреатлары, белгили эстрада қосықшылары ҳәм басқа да мәденият тараўы белсендилериниң “9-мая день Победы” ураны астында «Георгий лентасы» менен безелген стикерге өзлериниң сүўретлерин қойып монтажлап, үгит-нәсиятлап атырғанлығы бир жағынан ашынарлы, бир жағынан күлкили. «9-мая день Победы” сөзиниң орнына 9-май «Еслеў ҳәм қәдирлеў күни» улыўма халықлық байрамы, Жеңистиң 75 жыллығы деген сөзлер түссе, төменги тәрепиндеги Георгий ленталары орнына Өзбекстан Республикасы байрағы сәўлеленген лента түссе гулала-гүл болар еди.Бул мениң жеке пикирим. Пикир билдириўге ҳаққым бар…

Таярлаған: Жулдыз